வட்டம்

ஏதோ ஒரு கணத்தில்
ஒருத்தியின் மென் புன்னகை
என் தூக்கத்தை கெடுக்கவல்லது
இப்போதும்

இன்னும் கூட
சுகந்தத்துடன் தடவிப்போகும்
ஏதாவதொரு தாவணியால்
என் மனதில் பூகம்பம்
விளையக்கூடும்

முன் நெற்றி முடிகளை
புறங்கையால் ஒதுக்கி
எவளாவது வீசும் கள்ளப்பார்வை
இன்றும் நெஞ்சில் தீ மூட்டுகிறது

நியாய தர்மங்கள்
விதிமுறைகள் தர்க்கங்கள்
எல்லைகள் என
எதற்குள்ளும் அடங்காமல்
வாதிக்கிறது
என் வாழ்க்கை !