காதல் நதி

மிகத் தேர்ந்த ரசனையுடன்
தரப்படும் முத்தம்

பொங்கிவரும் பேரன்புடன்
கிடைக்கும் அணைப்பு

ஆயிரம் கிலோமீட்டர் தொலைவைக்கூட
அன்பால் நிரப்பிய உரையாடல்கள்

அலைபுரளும் கடல்வெளியில்
இணைந்திருந்த கைகளின் அழுத்தம்

சின்னச்சின்ன திட்டுக்கள்
செல்லக் கொஞ்சல்கள்

இவை எல்லாவற்றைக் காட்டிலும்
நமக்கிடையேயான சண்டையின் முடிவில்
நீ சிந்திய கள்ளப்புன்னகையில்
அதிகமாய் வழிந்தோடியது
காதல் !